SALMOS 83:14 - Dios Rimashcata Quillcashcami

¹⁴ Paicunataca sachata rupachic shina, urcucunata nina muyushpa rupachic shina tucuchiyari.

SALMOS 83:14 ပူးပေါင်းရင်းမြစ်များ

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 9:18

Paicuna yallita mana allita ruhuashcaca cardos yuracuna, cashacuna ninapi rupacuc shinami. Sachacunapi nina tiyarishpa, cushni yanayashpa, huaira huichaiman apacuc shinami.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.