SALMOS 81:9 - Dios Rimashcata Quillcashcami

⁹ Cancunapac chaupipi shuctac diosta ama charinguichicchu. Shuctac llacta diosta ama adoranguichicchu.

SALMOS 81:9 ပူးပေါင်းရင်းမြစ်များ

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

SALMOS 44:20

Ñucanchic Diospac shutita cungacpi, mana cashpaca yanga dioscunata mañashpa maquita chutacpica,

SALMOS 50:7

Diosca: «Ñuca acllashcacunalla, ñuca rimashcata uyaichic. Israelcunalla, ñucami cambac contra rimagrini. Ñucaca Diosmi cani. Cancunapac Diosmi cani.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ISAÍAS 28:23

Ñucata uyaichic. Ñuca ima nishcata allita uyaichic.

ISAÍAS 43:12

Ñucami cancunaman huillashpa quishpichircani. Cancuna uyachunmi huillachircani. Chaicunataca mana shuctac dioschu ruhuarca. Ñucallami Diosca cani. Chaitaca cancunaca allimi yachanguichic.

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

MALAQUÍAS 2:11

Judá llactapipish, Israel llactapipish, Jerusalenpipish mana cazushpami, millana juchacunata ruhuarca. Judá llactapi causaccunaca Mandac Dios cuyashca paipaclla huasita yangapi churashpa, mana ricsishca dioscunata mañac huarmicunahuanmi cazararca.

DEUTERONOMIO 32:12

Mandac Diosllami pusharca. Pihuan chimbapurangapacca shuctac dioscunaca mana tiyanchu.

DEUTERONOMIO 6:14

Shuctac dioscunata ama catinguichicchu. Llacta muyundipi causaccunapac dioscunapac ñaupapi ama cunguringuichicchu.