SALMOS 8:2 - Dios Rimashcata Quillcashcami

² Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

SALMOS 8:2 ပူးပေါင်းရင်းမြစ်များ

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

SALMOS 44:16

Ñucata piñaccuna tucuchina munaihuan caparishpa, mapa shimicunahuan camishpa llaquichicpimi llaquihuan purini.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

SALMOS 57:6

Ñuca purina ñanpica tucllallatami churarcacuna. Ñuca almaca llaquihuanmi shaicushca. Ñuca ñaupapimi jatun jutcuta ruhuancuna. Chaipica paicunallatacmi urmancuna.

ÉXODO 11:7

Chashna cacpipish, israelcunapurapica allcullapish animalcunata, gentecunata sintishpa, mana ladrangachu. Chaica, Mandac Dios ñucaca Egipto runacunamanta israelcunata chicanyachic cashcata yachachunmi cashnaca tucunga” ninmi.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

AMÓS 5:9

Paica, sinchi runacunata tucuchishpa, muyundita jatun pircahuan pircashca plazatapish urmachinmi.

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

SAN MATEO 21:16

Chaimantami Jesustaca: —Chai huahuacuna ima nicuctaca, ¿manachu uyangui?— nirca. Chashna nicpimi Jesusca: —Ari, uyanimi. Cancunaca, ¿manachu Dios quillcachishcapi ima nicushcataca ricushcanguichic? Chaipica: “Uchilla huahuacunatapish, chuchucuc huahuacunatapish canta alli nichunca rimachishcanguimi” ninmi— nirca.

SAN LUCAS 10:21

Chai ratollatacmi, Jesusca Diospac Espíritu cushichicpi, yallita cushicushpaca: «Jahua pachatapish, cai pachatapish Mandac ñuca Taitalla, cantaca alli ninimi. Canca cai yachanacunataca alli yuyaiyuc, alli yachaccunamanta pacashpami, huahuacuna shinaman ricuchishcangui. Ari, Taitito, chaitami ruhuasha nishcangui.

1 CORINTIOS 1:27

Yachaccunata pingaichingapacmi, imata mana yachac nishcacunata Diosca acllashca. Shinallatac valishca gentecunata pingaichingapacmi, imapacpish mana valichishcata acllashca.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.