SALMOS 78:6 - Dios Rimashcata Quillcashcami

⁶ Chaicunataca quipa huahua huahuacunapish, paicunapac ashtahuan quipa huahua huahuacunapish yachashpa, paicunapac huahuacunaman huillachunmi mandarca.

SALMOS 78:6 ပူးပေါင်းရင်းမြစ်များ

ESTER 9:28

Cai Purim punzhacunataca tucui huahua huahuacunapish, familiacunapish mai llactacunapi, mai pueblocunapi causaccunapish mana cungarishpami Judá llactapi causaccunaca huatanta yuyarishpa pactachina can.

SALMOS 102:18

Quipa huahuacunapish yachachunmi quillcashca canga. Quipa huahuacunapish chaita yachac chayashpaca, Mandac Diosta alabangacunami.

SALMOS 145:4

Imata can ruhuashcacunataca huahua huahuami yuyarishpa cushicungacuna. Tucuita ruhuac cashcahuan can Dios ruhuashcacunataca catipimi huillangacuna.

SALMOS 22:31

Pai cashcata ruhuashcata ashtahuan quipaman manarac huacharishcacunaman huillashpaca: «Paimi tucui allicunata ruhuarca» nishpami huillangacuna.

SALMOS 48:13

Cancunapac quipa huahuacunaman huillangapac chai canzha lado pircatapish, mandana huasicunatapish allita ricugrichic.

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

SALMOS 90:16

Can ruhuashcataca canta serviccuna ricuchun. Can sumaimana cashcataca, paicunapac huahua huahuacuna ricuchun.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

JOEL 1:3

Caicunataca cancunapac huahuacunamanmi huillana canguichic. Paicunapish paicunapac huahuacunaman huillachun. Chai huahuacunapish, paicunapac huahua huahuacunaman huillachun.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.