SALMOS 76:6 - Dios Rimashcata Quillcashcami

⁶ Jacobopac Dioslla, can jarcashpa rimacpica, carretacunapish, caballocunapish mana cuyuri pudircacunachu.

SALMOS 76:6 ပူးပေါင်းရင်းမြစ်များ

2 SAMUEL 10:18

Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

SALMOS 104:7

Can rimacpica anchurircami. Can tulun nishpa uyaricpica, utcashpami anchurirca.

SALMOS 18:15

Mandac Dioslla, can piñarishpa pucucpica, mama cucha ucu allpapish, cai pacha callari rumicunapish ricurircami.

SALMOS 80:16

Cunanca tucui rupashpa, shitashca pambamari saquirishca.

ÉXODO 15:1

Chaimanta Moisespish, israelcunapish Mandac Diosta cantashpaca: «Mandac Diosca caballocunatapish, caballopi ric soldadocunatapish, cuchapi shitashpami paipac poderta ricuchishca. ¡Chaimantami paita alli nisha!

ÉXODO 15:10

Mama cuchata pucushpami, paicunata tucuita taparcangui. ¡Llashac plomo shinami, timbucuc yacupica ucuyarca!

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

JEREMÍAS 51:39

Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

EZEQUIEL 39:20

Ñuca miza jahuapica caballocunatapish, caballopi ric sinchi runacunatapish, macanacuc soldadocunatapish huañuchishpami churasha. Chaicunataca mana nictami micunguichic. Chaitaca Mandac Dios ñucami nini.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

NAHÚM 2:13

Tucuita Mandac Diosca: «Ñucami canta llaquichigrini. Cambac carretacunata rupachishpami cushnichigrini. Cambac huahua leoncunataca, espadahuanmi tucui tucuchinga. Cai llactamantaca can shuhuashcatapish, tucuchishami. Cambac huillaccuna huillashcapish, jaicapi mana uyaringachu» ninmi.

NAHÚM 3:18

¡Asiria llactata jatun mandaclla, cambac michiccunaca sueñucunmi! ¡Cambac sinchi soldadocunapish samaricunmi! Cambac llactapi causaccunaca urcucunamanmicaita chaita rishca. Paicunata tandachicca pipish mana tiyanchu.

ZACARÍAS 12:4

Chai punzhapica tucui caballocunata yallita manchachishpami, caballopi ric soldadocunaca loco shinata ruhuasha. Ñucaca Judá llactapi causaccunataca cuidashami. Tucui shuctac llacta caballocunataca ñahui mana ricuctami ruhuasha.

1 SAMUEL 26:12

Shina nishpami Davidca lanzatapish, jarrotapish, Saulpac uma ladomanta apashpa rirca. Chaitaca pipish mana ricurcachu, mana ricsircachu. Cuidaccunapish mana sintircacunachu. Mandac Dios yallita sueñuchicpimi, tucui mashna munai sueñucurca.