SALMOS 74:7 - Dios Rimashcata Quillcashcami

⁷ Cambac huasitaca ninata churashpami rupachirca. Canta yuyarina carpa huasitapish, pambapi shitashpami sarurcacuna.

SALMOS 74:7 ပူးပေါင်းရင်းမြစ်များ

1 REYES 8:20

Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

2 CRÓNICAS 36:19

Chai quipaca Mandac Diospac huasita rupachishpami, Jerusalén muyundi jatun pircatapish urmachirca. Mandashpa tiyana huasitapish rupachishpami, chai huasipi imalla sumaimana tiyashcacunatapish tucui chingachirca.

SALMOS 89:39

Canta servic-huan ari nishcatapish paquishcanguimi. Paipac coronatapish sarushpami yangapi churashcangui.

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

EZEQUIEL 7:24

Paicunapac huasicunata quichuchunca, millai shuctac llacta gentecunatami pushamusha. Chashnami jatun tucushca gentecunataca chingachisha, paicunapac ruhuashcalla dioscunapac huasicunatapish yangatami ruhuasha.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.