SALMOS 74:2 - Dios Rimashcata Quillcashcami

² Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

SALMOS 74:2 ပူးပေါင်းရင်းမြစ်များ

SALMOS 106:40

Chaimantami Mandac Diosca pai acllashcacunahuan yallita piñarirca. Paipacllatac charicushpapish millanayachircami.

SALMOS 135:4

Mandac Diosmi Jacobotaca acllarca. Israelcunatapish paimi paipaclla cachun chicanyachirca.

SALMOS 33:12

¡Llactacunatapi causaccuna mai cushicuichicyari! ¡Cancunapac Diosca Mandac Diosmi!

SALMOS 68:16

Jatun urcucunalla, ¿ima nishpatac Dios tiyana acllashca urcutaca munashpa chapanguichic? Mandac Diosmi chaipica huiñaita causanga.

SALMOS 77:15

Jacobopac, Josepac huahua huahuacunataca acllashpami cambac rigrahuan quishpichircangui.

SALMOS 9:11

Sionpi causac Mandac Diostaca cantaichicyari. Pai ruhuashcacunata shuccunamanpish huillaichicyari.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

SALMOS 94:14

Mandac Diosca paipac gentecunataca mana saquingachu. Paipaclla causaccunataca manatac cungaringachu.

ÉXODO 15:13

Can llucchishca gentecunata cuyaihuanmi pushangui. Cambac jucha illac llactamanmi cambac poderhuan pushangui.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 62:12

Paicunataca “Mandac Dios quishpichishca, jucha illac gentecuna” nincunami. Can Jerusalentapish “Dios cuyashpa, mana shitashca llacta” ningacunami.

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

JEREMÍAS 51:19

Jacobopac Mandac Diosca mana paicuna shinachu. Paica tucuita ruhuac Diosmi. Paipac shutica tucuita Mandac Diosmi. Israelcunaca pai mandana vara shinami.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

DEUTERONOMIO 4:20

Mandac Diosca cancunataca Egipto llactapi fierrota nuyuchina hornopi shina causacucpimi llucchimurca. Cunan punzha shina, paipaclla acllashca cachunmi llucchimurca.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.

DEUTERONOMIO 9:29

Can Egipto llactamanta cambac poderhuan llucchimushca gentecunaca cambaclla chicanyachishca gentecunamari.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.