SALMOS 74:1 - Dios Rimashcata Quillcashcami

¹ Dioslla, ¿imamantatac ñucanchictaca huiñaita cungaringuiyari? ¿Ima nishpatac cambac michina pambacunapi cac ovejacunahuanca nina japiric shina piñaringuiyari?

SALMOS 74:1 ပူးပေါင်းရင်းမြစ်များ

2 REYES 21:14

Maijan saquirishca ñuca acllashcacunataca paicuna ima charishcata quichuchun, llucchishpa cachachunmi piñaccunapac maquipi saquisha.

SALMOS 10:1

Mandac Dioslla, ¿ima nishpatac ñuca llaqui punzhapi cacpica, miticushpa carupi canguiyari?

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

SALMOS 18:8

Paipac singamantaca cushnimi llucshirca. Shimimantaca tucuchic ninami llucshirca. Nina carboncunami chaimanta llucshicurca.

SALMOS 42:11

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi ñuca quishpichicmi!

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

SALMOS 44:9

Ashtahuanpish ñucanchicllata saquishpami llaquichishcangui. Chaimantami ñucanchic soldadocunahuanca ña mana llucshingui.

SALMOS 50:1

Cancunata Mandac Dios, tucui dioscunapac Diosmi rimarca. Paimi cai pachapi causaccunataca inti llucshina ladomanta inti tigrana ladocaman tandanacuchun cayashca.

SALMOS 60:1

Sumac Dioslla, canmi ñucanchicta shitashcangui. Llaqui tucuchunpish saquishcangui. ¡Piñarishca cashpapish ñucanchicta llaquiyari!

SALMOS 60:10

Dioslla, canmi ñucanchicta shitarcangui. Ñucanchic soldadocunahuanpish ña mana llucshinguichu.

SALMOS 77:7

«¿Jatun Dios huiñaitachu ñucanchictaca shitanga? ¿Manachu cutinllatac ñucanchictaca ayudanga?

SALMOS 77:8

¿Paica huiñaitachu ña mana llaquinga? ¿Pai ñucanchicman ruhuasha nishcataca huiñai huiñaitachu cungarishca canga?

SALMOS 78:1

Ñuca acllashcacunalla, ñuca mandashcata uyaichic. Ñuca rimashcacunataca ringrita pascashpa uyaichic.

SALMOS 79:13

Chashna ruhuacpica, can acllashca, can michina manada ovejacuna shina ñucanchicca huiñaitami canta alabashun. Huahua huahuacunapish cantacushunllami.

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

SALMOS 80:5

Huiquitami micunata shina carashcangui. Huiquitami yacuta shina yallita ubiachishcangui.

SALMOS 85:6

Can acllashca ñucanchic canmanta cushicuchun, ¿manachu cutin causaita cugringui?

SALMOS 95:7

Paica ñucanchic Diosmi. Ñucanchicca pai acllashcacuna, paipac michina pambapi micuc ovejacunami canchic. Ashtahuanpish cunan pai rimashcata uyashpaca:

ÉXODO 32:11

Shina nicpimi, Moisesca Mandac Diosta tucui shunguhuan mañashpaca: —Mandac Dioslla, ¿ima nishpatac Egipto llactamanta cambac poderhuan llucchishca, can acllashca gentecunahuanca piñaringuiyari?

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

JEREMÍAS 23:1

Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

JEREMÍAS 31:37

Maijanpish jahua pachata, cai pachata maicaman cashcata medicpica, ñucapish israelcunataca tucui paicuna mana allita ruhuashcamanta mana chasquimanchu. Chaitaca Mandac Dios ñucami nini.

LAMENTACIONES 5:22

Chaica, ñucanchictapish cungarishcanguimi. Ñucanchic-huanca yallitami piñarishcangui.

EZEQUIEL 34:31

Cancunaca ñuca quihuapi micuc, ñuca ovejacunami canguichic. Ñucaca cancunapac Mandac Diosmi cani” ninmi ningui» nirca.

EZEQUIEL 34:8

Ñuca shutipimi nini: Michic illac cashcamantami Ovejacunataca shuhuarca. Sacha millai animalcunami japishpa micurca. Ñuca ovejacunata michiccunaca mana yuyarircacunachu, ashtahuanpish paicunapuralla cuidarishpami, ñuca ovejacunataca mana cuidarca.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.