SALMOS 72:2 - Dios Rimashcata Quillcashcami

² Paimi can acllashcacunata cashcata ricushpa mandanga. Huacchacunamanpish allitami ruhuanga.

SALMOS 72:2 ပူးပေါင်းရင်းမြစ်များ

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 CRÓNICAS 29:19

Shinallatac ñuca churi Salomón ima pandata ama ruhuachun alli yuyaita cungui. Shina cucpimi can mandashcacunata, ima shina causanata yachachishcacunatapish, quillcashcacunatapish pactachishpa, ña allichishca cambac huasitapish shayachinga» nirca.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

PROVERBIOS 29:14

Jatun mandac huaccha runata cashcata ruhuashpa mandashpaca paipac mandanataca huiñaitami sinchiyachin.

ISAÍAS 32:1

Shamuc punzhapica cashcata ruhuac jatun mandacmi mandanga. Shinallatac alli ricushpa, mandaccunapish tiyangami.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 33:15

Chai punzhacunapimi, Davidpac huahuapuramanta cashcata ruhuacta llucchisha. Paimi cai llactapica imatapish allita ruhuashpa, cashcata ruhuanga.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.