SALMOS 72:18 - Dios Rimashcata Quillcashcami

¹⁸ ¡Israelcunapac Mandac Dioslla, alli nishca cachun! Paillami sumaimanacunata ruhuacca.

SALMOS 72:18 ပူးပေါင်းရင်းမြစ်များ

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

JOB 9:10

Paimi pipish mana yachai pudipac mancharinacunata, mana yupaipac sumaimanacunata ruhuan.

SALMOS 106:48

¡Israelcunata Mandac Diosca ñaupamanta huiñaicaman alli nishca cachun! Shinallatac tucui gentecuna: «Chashna cachun» nichicyari. ¡Mandac Diosta alabaichicyari!

SALMOS 136:4

Paillami jatun mancharina sumaimanacunataca ruhuarca. ¡Paica huiñaita llaquicmi!

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

SALMOS 68:35

Diosca paipaclla huasipi tiyashpami, jatun mancharinacunata ruhuacun. Israelcunapac Diosca pai acllashcacunamanca fuerzata cushpami sinchiyachin. ¡Sumac Diosca alli nishca cachun! 4

SALMOS 77:14

Canca sumaimanacunata ruhuac Diosmi cangui. Can tucuita ruhuac cashcataca tucuimanmi ricuchircangui.

SALMOS 77:15

Jacobopac, Josepac huahua huahuacunataca acllashpami cambac rigrahuan quishpichircangui.

SALMOS 86:10

Canca sumaimanacunata ruhuac jatun Diosmi cangui. ¡Canllami Diosca cangui!

SALMOS 98:1

¡Mandac Diostaca jatun mancharinacunata ruhuashcamanta mushuc cantohuan cantaichicyari! Paipac alli maquihuan, jucha illac rigrahuanmi mishachirca.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.