SALMOS 71:8 - Dios Rimashcata Quillcashcami

⁸ Ñuca shimica canta alabana rimaicunallahuan cachun. Punzhanta can sumaimana cashcata huillachun.

SALMOS 71:8 ပူးပေါင်းရင်းမြစ်များ

SALMOS 104:1

¡Ñuca almalla, Mandac Diosta alli niyari! ¡Ñucata Mandac Dioslla, canca yallita jatun Diosmi cangui! Canca achic nicuc-huan, sumaimanahuan churarishca shinami cangui.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.

SALMOS 35:28

Ñuca shimihuanca cashcata can ruhuashcatami huillasha. Punzhantami canta alli nicushalla.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

SALMOS 71:15

Can cashcata ruhuac cashcata, can quishpichic cashcataca tucui punzhami ñuca shimica huillacungalla. Maita mana yupaipac cacpipish huillacushallami.

SALMOS 71:24

Ñucata mana allita ruhuasha niccunata pingaichishpa muspachishcamantami, ñuca calluca can cashcata ruhuac cashcataca punzhanta huillacungalla.

SALMOS 96:6

Sumaimana achic nicucmi cambac ñaupapica tiyan. Cambac huasipica sumac podermi tiyan.