SALMOS 71:18 - Dios Rimashcata Quillcashcami

¹⁸ Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

SALMOS 71:18 ပူးပေါင်းရင်းမြစ်များ

GÉNESIS 27:1

Isaacca yallita yuyacpish, ñahui mana ricucpish cashpami paipac punta churi Esauta cayashpaca: —¡Ñuca huahua Esaulla!— nirca. Shina nicpimi Esauca: —Caipimi cani— nirca.

SALMOS 22:31

Pai cashcata ruhuashcata ashtahuan quipaman manarac huacharishcacunaman huillashpaca: «Paimi tucui allicunata ruhuarca» nishpami huillangacuna.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

SALMOS 71:9

Ñuca yuyacyacpipish ama shitanguichu. Fuerza illac tucucpipish ama saquinguichu.

SALMOS 78:4

Paicunapac huahuacunapac ñaupapica mana upalla saquirinachu canchic. Mandac Diosta alabana cashcatapish, pai sumaimanacunata ruhuashcatapish quipa huahua huahuacunaman parlanami canchic.

SALMOS 78:6

Chaicunataca quipa huahua huahuacunapish, paicunapac ashtahuan quipa huahua huahuacunapish yachashpa, paicunapac huahuacunaman huillachunmi mandarca.

ÉXODO 13:8

Chai punzhapi huahuacunaman parlashpaca: “Caitaca Mandac Dios Egiptomanta llucchimushcata yuyarishpami ruhuanchic.

ISAÍAS 46:4

Cancuna yuyacyashpa, yurac accha tucungacamanmi cuidashpa charisha. Ñucami cancunataca ruhuarcani. Ñucallatacmi cuidasha. Chashnami quishpichisha.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 53:1

Ñucanchic huillashcataca, ¿pitac crishcayari? Mandac Diospac podertaca, ¿pitac ricushcayari?

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

1 SAMUEL 4:15

Elica ña iscun chunga pusac huatatami charirca. Paipac ñahuipish ña amsayashcamantami, mana ricui pudirca.

1 SAMUEL 4:18

Diospac Arcata quichurcami nicpica, bancumanta Elica azhacman tigrarca. Paica ña yuyac cashcamanta shinallatac llashac cashcamantami urmashpaca nucata paquishpa huañurca. Paica chuscu chunga huatatami israelcunataca mandarca.