SALMOS 71:10 - Dios Rimashcata Quillcashcami

¹⁰ Chaica ñucata piñaccunaca rimancunami. Huañuchingapac tandanacushpa,

SALMOS 71:10 ပူးပေါင်းရင်းမြစ်များ

SALMOS 10:9

León shinami pacallapi huacchacunata japingapac chapacun. Huaccha runataca paipac tucllapi urmachishpami, aisashpa rin.

SALMOS 109:20

Ñucata yanga rimaccunataca Mandac Dios llaquichichun. Ñucata mana alli nishpa rimaccunataca chashnallatac llaquichichun.

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 31:13

Huashalla parlanacushcatami taucata uyani. Maipipish manchaihuanmi purini. Ñuca causaita tucuchingapacmi pacalla tandanacushpa parlanacuncuna.

SALMOS 56:6

Tandanacushpa miticushpami, ñuca maita ricta chaparancuna. Japishpa huañuchingapacmi maita ricpipish catirancuna.

SALMOS 83:3

Can acllashcacunata llaquichingapacmi pacalla yuyarinacuncuna. Cambac maquipi causaccunata tucuchingapacmi huashalla parlanacuncuna.

PROVERBIOS 1:11

Canta: “Ñucanchic-huan jacu, tucllata churashpa mana faltayuc runata, pacalla chapashpa huañuchingapac

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

SAN MATEO 27:1

Pacarimucucpimi, curacunata mandac curacunapish, israelcunata pushac yuyaccunapish Jesusta ima shina huañuchinata yuyarinacurca.

1 SAMUEL 19:11

Chai quipami Saulca Davidpac huasipi chapashpa tutamanta Davidta huañuchichun paipac runacunata cacharca. Shina cacpipish paipac huarmi Micalmi Davidmanca: —Cunan tuta mana cuidarishpaca, cayapacca huañushcami cangui— nirca.