SALMOS 7:8 - Dios Rimashcata Quillcashcami

⁸ Mandac Diosmi gentecunataca taripanga. Mandac Dioslla, ñucataca cashcata ruhuac cashca shinallatac taripangui. Ñucaca mana faltayucchu cani.

SALMOS 7:8 ပူးပေါင်းရင်းမြစ်များ

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

2 CRÓNICAS 20:12

Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

SALMOS 25:21

Canllatami shuyacuni. Chaimantami ima pandata mana ruhuani. Allita ruhuana yuyai ñucata huacaichichun.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 26:11

Ashtahuanpish ñucaca allillatami ruhuashpa purisha. Ñucataca llaquishpa quishpichiyari.

SALMOS 41:12

Ñucataca tucui pandarinamantami huacaichishcangui. Tucui causaipimi cambac ñaupapi charirashcangui.

SALMOS 43:1

Ñuca Dioslla, ñucata imamanta llaquichicucta ricushpa misaiyari. Canta mana manchac, llullac millai gentecunapac maquimanta quishpichiyari.

SALMOS 78:72

Davidca israelcunataca cuyac shunguhuanmi sumacta michirca. Alli yuyaihuan cuidashpami pusharca.

SALMOS 82:1

Diosca jahua pacha tandanacushcapac chaupipimi mandacun. Dioscunapac chaupipi tiyarishpami allita ricushpa taripacun.

SALMOS 9:8

Paimi cai pachapi causaccunataca cashcata ruhuashpa taripanga. Shinallatac cashcata ruhuashpami mandanga.

SALMOS 96:13

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

SALMOS 98:9

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

PROVERBIOS 19:1

Mana entendic shuccunata rimashpa llaquichinapac randica, huaccha cashpapish ima millaita mana ruhuashpa causanami alli.

HECHOS 17:31

Diosca pai acllashca punzhapimi, tucui cai pachapi causaccunataca cashcata ruhuashpa taripanga. Chai punzhami pai acllashca runata cachanga. Gentecuna yachachunmi, paitaca huañushcacunapuramanta causachirca— nirca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.