SALMOS 7:6 - Dios Rimashcata Quillcashcami

⁶ ¡Ñucata Mandac Dioslla, piñarishpa jatariyari! Ñucata piñaccuna llaquichicpi ñucamanta shayariyari. Canca cashcata ruhuasha nishpami mandarcangui. ¡Chaimanta ñucata misaiyari!

SALMOS 7:6 ပူးပေါင်းရင်းမြစ်များ

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

SALMOS 103:6

Mandac Diosmi llaquihuan causaccunamanca cashcata ruhuashpa, japina cashcata cun.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 138:7

Yalli llaquicuna chaupipi puricucpipish canmi ñuca causaita cuidangui. Ñucata piñaccuna yallita piñaricpipish, cambac alli maquihuanmi misashpa quishpichingui.

SALMOS 143:3

Ñucata piñaccunaca catirashpami llaquichicun. Ñuca causaitaca allpapi shitashpami, ña huañushcata shina, amsapi causachun churashca.

SALMOS 3:7

¡Mandac Dioslla, jatariyari! ¡Ñuca Dioslla, quishpichiyari! Canmi ñucata piñaccunataca jazapi huactarcangui. Canmi millaita ruhuaccunapac quiruta paquircangui.

SALMOS 35:1

Mandac Dioslla, ñucata piñaccunahuan shayariyari. Ñucahuan macanacuccunahuan macanacuiyari.

SALMOS 35:23

Ñuca Dioslla, ñucata Mandaclla, cashcata ruhuashpa ñucata misangapac riccharishpa shayariyari.

SALMOS 44:23

Jatun Dioslla, ¿ima nishpatac sueñunguiyari? Ama shitashpa saquichu ricchariyari.

SALMOS 44:26

Can llaquic cashcamanta ñucanchicta ayudangapac jatarishpa quishpichiyari.

SALMOS 59:5

Tucuita Mandac Dioslla, israelcunapac Diosmi cangui. Jatarishpa tucui llactacunata llaquichiyari. Canta cariyashpa millaita ruhuaccunataca maijanllatapish ama llaquichu.

SALMOS 73:20

Sueñuimanta riccharic shinami Jatun Dios jatarishpa paicuna ima shina cashcata yangapi churanga.

SALMOS 74:3

Huiñaipac mana allichipac llaquinayaita siricucta ricungapac shamuiyari. Piñaccunami chai huasitaca urmachirca.

SALMOS 78:65

Shina cacpipish, Mandac Diosca sueñuimanta riccharic shinami jatarirca. Shuc macanacuc runa mishashpa caparic shinami caparirca.

ISAÍAS 3:13

Mandac Diosca tucui gentecunata taripangapacmi shayacun. Ñallami llaquichigrin.

ISAÍAS 33:10

Mandac Diosca: «Cunanmi jatarigrini. Cunanmi tucuipac alli nishcapish, jatunyachishcapish casha.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?