SALMOS 7:13 - Dios Rimashcata Quillcashcami

¹³ Huañuchinacunatapish allichishpami charicun. Rupacuc flechacunatapish allita ruhuashpami charicun.

SALMOS 7:13 ပူးပေါင်းရင်းမြစ်များ

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

SALMOS 11:2

Millaita ruhuac runacunaca alli yuyaita chariccunata huañuchingapacmi arcotapish, flechatapish allichishpa pacalla charicun.

SALMOS 144:6

Cambac relampahuan achicyachishpa manchachiyari. Canta piñaccunataca rayocunata shitashpa upayachiyari.

SALMOS 18:14

Piñaccunataca paipac rayohuanmi caita chaita callpachirca. Paipac relampahuanmi paicunataca tucuchirca.

SALMOS 45:5

Pueblocunapi causaccunaca cambac chaqui ucupimi urmanga. Cambac filosapa flechacunaca can jatun mandacta piñaccunapac shungutami chaupishpa pasanga.

SALMOS 64:3

Paicunapac callucunataca filo espadata shinami allichincuna. Arcota shitac shinami jayac shimicunata parlancuna.

SALMOS 64:7

Shina cacpipish, Diosmi paipac flechacunallahuantac chugrichinga. Cungaillami mai llaquicuna japinga.

LAMENTACIONES 2:4

Piñac runa shinami, paipac arcocunata cacharirca. Sumac tiyashcacunataca paipac alli maquihuanmi mana ricunayachic runa shina tucuchirca. Nina japiric shina piñarishpami, Sionpi tiyac carpa huasicunataca llaquichirca.

HABACUC 3:11

Cambac flechacunaca achicyachinmi, cambac achic nicuc lanzapish ricurinmi, Intipish, quillapish shayarinmi.

HABACUC 3:13

Canca acllashca llactata cacharichingapac, aceitehuan cahuishca jatun mandacta quishpichingapacmi llucshircangui. Canta mana manchac runapac huasi catataca urmachircanguimi. Callari rumicuna ricuringacamanmi tucui urmachircangui.

DEUTERONOMIO 32:23

Yalli mana allicunahuanmi paicunataca yallita llaquichisha. Ñuca flechacunahuanmi paicunata tucuchisha.

DEUTERONOMIO 32:41

Ñucapac jagan nicuc espadata mulashpa ñuca maquihuan alzashpa cashcata ruhuacushpami ñucata piñaccunataca paicuna llaquichishca shina llaquichisha.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

2 TESALONICENSES 1:6

Cancunata llaquichiccunataca, cashcata ruhuac Diosmi llaquichinga.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.