SALMOS 7:1 - Dios Rimashcata Quillcashcami

¹ Ñucata Mandac Dioslla, canca ñuca miticunami cangui. Ñucata llaquichingapac caticcunapac maquimanta quishpichiyari.

SALMOS 7:1 ပူးပေါင်းရင်းမြစ်များ

SALMOS 11:1

Mandac Diospimi miticuni. Yangallami ñuca almataca: Volashpa ric animalcuna shina urcupi miticugri ninguichic.

SALMOS 13:3

¡Mandac Dioslla, ñucata ricushpa uyaiyari! Achic punzhata ricuchun saquiyari, huañuchunca ama saquichu.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 18:28

Mandac Dioslla, canmi ñuca lamparataca japichishpa charingui. Ñucata Mandac Dios canmi amsapi cacpipish achicyachingui.

SALMOS 25:2

¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 3:7

¡Mandac Dioslla, jatariyari! ¡Ñuca Dioslla, quishpichiyari! Canmi ñucata piñaccunataca jazapi huactarcangui. Canmi millaita ruhuaccunapac quiruta paquircangui.

SALMOS 30:12

Ñuca Dioslla, chaimantami mana upallashpa cantacushalla. Ñucata Mandac Dioslla, huiñaitami alabacushalla.

SALMOS 30:2

Mandac Dioslla, ñuca caparishpa canta mañacpica, huañugricucpipish alliyachircanguimi.

SALMOS 31:15

Ñuca causaipish cambac maquipimi. Piñashpa llaquichiccunamanta quishpichiyari.

SALMOS 32:10

Diosta mana manchactaca jatun nanaicunami japinga. Ashtahuanpish Mandac Diosta shuyactaca paipac cuyaihuanmi pilluchic shina huacaichinga.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SALMOS 89:26

Pai ñucata mañashpaca: “Canca ñuca taitami cangui. Ñuca Diosmi cangui. Ñuca miticuna quishpichic jatun rumimi cangui” ningami.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

JEREMÍAS 15:15

Mandac Dioslla, canca tucuitami yachangui. Ñucata yuyarishpa, ayudangapac shamuiyari. Ñucata piñaccunata ñucata llaquichishca shinallatac llaquichiyari. Ama ashtahuan piñacuillachu. Ñucaca canmantami yalli llaquita apacuni.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

HABACUC 3:1

Dios ima nishcata huillac Habacucca llaquillata cantashpami, Diosta mañarca.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

JOSUÉ 14:8

Ashtahuanpish ñucahuan huichai ric huauquicunaca israelcunamanca manchai shungutami curca. Shina cacpipish, ñucaca ñucata Mandac Dios imata nishcatami tucui shunguhuan cazurcani.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.