SALMOS 69:36 - Dios Rimashcata Quillcashcami

³⁶ Paita serviccunapac huahua huahuacunami chai pueblotaca paicunapac cachun japingacuna. Paipac shutita cuyaccunami chaipica causangacuna.

SALMOS 69:36 ပူးပေါင်းရင်းမြစ်များ

SALMOS 102:28

Canta serviccunapac huahuacunaca cambac maquipimi mana manchashpa causanga. Paicunapac huahua huahuacunatapish cambac ñaupamantaca pi mana anchuchingachu.

SALMOS 37:29

Cashcata ruhuaccunami llactataca japinga. Huiñaitami chai llactapica causangacuna.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.