SALMOS 69:32 - Dios Rimashcata Quillcashcami

³² Chaita ricushpaca llaquichishca runacunaca cushicungami. Diosta mashcaichic. Chashna mashcaccunaca shungupi causaita charinguichicmi.

SALMOS 69:32 ပူးပေါင်းရင်းမြစ်များ

SALMOS 22:26

Chaipica huacchacunaca mana nictami micungacuna. Mandac Diosta mashcaccunaca paitami alli ningacuna. ¡Paicunaca unaitami causangacuna!

SALMOS 22:29

Cai allpa pachapi causac tucui chayuccunaca cambac ñaupapimi cumuringacuna. Huañushpa allpa tucunalla gentecunapish, quiquinllatac mana causaita chari pudiccunapish tucuimi cambac ñaupapi cumuringa.

SALMOS 25:9

Yangalla runacunataca cashcata ruhuashpami pushan. Alli shungucunataca alli causanatami yachachin.

SALMOS 34:2

Mandac Dios-huanmi ñuca almaca cushicun. Mana utca piñaric shungucuna caita uyashpaca cushicungami.

SALMOS 50:13

¿Ñucaca huagra aichata micushpachu causani? ¿Cari chivo yahuarta ubiashpachu causani?

SALMOS 50:14

¡Jahua pachapi causac Ñucaman imata cushpa pagui ni! Ñucaman cusha nishcata pactachi.

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

SAN JUAN 20:20

Chashna nishca quipami, paipac maquicunatapish, costillas quingraitapish ricuchirca. Chashna ricuchicpica, Apunchic Jesusta ricushpami cushicurcacuna.