SALMOS 69:18 - Dios Rimashcata Quillcashcami

¹⁸ Ñuca ladoman shamushpa quishpichiyari. Ñucata piñaccunamanta pacaiyari.

SALMOS 69:18 ပူးပေါင်းရင်းမြစ်များ

JOB 6:23

Mana cashpaca: “¿Ñucata piñaccunapac maquimanta cacharichi” nircanichu? Mana cashpaca: “¿Millai gentecunapac maquimanta quishpichichicyari” nircanichu?

SALMOS 10:1

Mandac Dioslla, ¿ima nishpatac ñuca llaqui punzhapi cacpica, miticushpa carupi canguiyari?

SALMOS 111:9

Pai acllashcacunaman quishpichicta cachashpami, huiñai huiñaipac ari nirca. Paica jucha illac manchana Diosmi.

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

SALMOS 22:19

Shina cacpipish, Mandac Dioslla, ama ñucamanta caruyaichu. Canca ñuca muyunditaca jatun pirca shinami cuidangui. Utca quishpichingapac shamuiyari.

SALMOS 22:20

Espadahuan huañuchinamanta quishpichiyari. Ñucapac causaitaca chai allcucunapac quirumanta quishpichiyari.

SALMOS 27:9

Cambac ñahuita ama pacaichu. Canta servic ñucahuanca ama piñarichu. Cambac ñahuitaca ñucamanta amatac anchuchichu. Ama ñucata shitashpa saquichu. Canllami ñucata quishpichic Dios cangui.

SALMOS 31:5

Cambac maquipimi ñuca espirituta mingani. Cashcata nic, ñucata Mandac Dioslla, canmi quishpichircangui.

SALMOS 49:15

Ashtahuanpish ñucataca Seolmantami quishpichinga. Paimi ñucataca pushanga.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

LAMENTACIONES 3:57

Canta ñuca mañacuc punzhaca ñucapacman cuchuyashpami: «¡Ama manchaichu!» nircangui.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.