SALMOS 69:16 - Dios Rimashcata Quillcashcami

¹⁶ Mandac Dioslla, can yallita cuyac cashcamanta ñuca mañashcata cutichiyari. Can yallita llaquic cashcamanta ñucata ricuiyari.

SALMOS 69:16 ပူးပေါင်းရင်းမြစ်များ

SALMOS 106:45

Pai yallita llaquic cashpami paicunahuan ari nishcata yuyarishpa, paicunamanta mai llaquirca.

SALMOS 109:21

Ñucata Mandac Dioslla, cambac shutita cuyashcamanta ñucata quishpichiyari. Canca allimi llaquingui. Chaimanta ñucata llaquiyari.

SALMOS 18:5

Seolman ringapac ña huatashca shinami carcani. Huañuchic tucllatami churarcacuna.

SALMOS 25:16

Ñucaca shitashca llaquillami cani. Mandac Dioslla, ñucata ricushpa llaquiyari.

SALMOS 26:11

Ashtahuanpish ñucaca allillatami ruhuashpa purisha. Ñucataca llaquishpa quishpichiyari.

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SALMOS 63:3

Can llaquishca canaca causaitapish ashtahuan allimi. Chaimantami ñuca shimihuanca canta alabasha.

SALMOS 69:13

Shina cacpipish Mandac Dioslla, can ñucata llaquina punzhapimi mañacuni. Dioslla, can yallita llaquic cashcamanta, ñuca mañashcata cutichiyari. Can cashcata nic cashcamanta quishpichiyari.

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.