SALMOS 69:14 - Dios Rimashcata Quillcashcami

¹⁴ Cai turumanta ñucata llucchiyari. Ama ucuyachun saquichu. Ñucata mana ricunayachiccunapac maquimanta quishpichiyari. Jatun yacu ucumanta llucchiyari.

SALMOS 69:14 ပူးပေါင်းရင်းမြစ်များ

SALMOS 109:21

Ñucata Mandac Dioslla, cambac shutita cuyashcamanta ñucata quishpichiyari. Canca allimi llaquingui. Chaimanta ñucata llaquiyari.

SALMOS 109:3

Ñucata mana ricunayachishpami ñuca muyundipi shayarishpa rimarca. Shinallatac manapish, paita imata ruhuacpimi ñucahuan macanacurca.

SALMOS 144:7

Jahua pachamanta cambac maquita chutashpa ñucata quishpichiyari. Ñucaca jatun yacupimi aguaricuni. Shuctac llacta gentecunapac maquimanta quishpichiyari.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 42:2

Ñuca almaca yacunayaihuan huañucuc shinami, causac Diosta mashcan. ¿Ima horastac Diospac ñaupapi ricuringapac rishayari?

SALMOS 42:7

Yacuca urcucuna catichictami huaj nishpami shamucun. Can cachashca yacucuna jatarishpami ñuca jahuata pasacun.

SALMOS 69:15

Ama yacupi chingarichun saquichu. Jatun yacu ñucata apanamanta chariyari. Yallita pura jutcupi ama taparichun saquichu.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

LAMENTACIONES 3:55

Mandac Dioslla, jatun jutcu ucumantami cambac shutita mañarcani.

JONÁS 2:8

Ruhuashcalla dioscunata caticcunaca can llaquic cashcata cungarincunami.

MARCOS 15:34

Chai horasllatacmi Jesusca: —Eloí, Eloí, ¿lama sabactani?— nishpa, sinchita caparirca. (Caica: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi).

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.