SALMOS 66:12 - Dios Rimashcata Quillcashcami

¹² Caballocunapi montashca gentecunahuanmi ñucanchic umata saruchircangui. Nina jahuata, yacu chaupita pasachishpami quipata mai allicunata curcangui.

SALMOS 66:12 ပူးပေါင်းရင်းမြစ်များ

2 SAMUEL 15:17

Shina llucshishpaca, tucui paihuan riccunandimi jatun mandacca chai pueblo tucuri huasipi shayarirca.

JOB 36:16

Chashnallatacmi cantapish llaqui causaimanta llucchishpa, ima llaqui mana tiyac pushtuman apashpa, miza junda micunatapish cunga.

JOB 5:19

Sucta cutin llaquicuna japicpipish, cacharichingami. Canchis llaquica ña mana japingachu.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

ISAÍAS 51:23

Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

DANIEL 3:26

Chaimanta Nabucodonosorca chai rupacuc horno pungu cuchuman cuchuyashpaca: —¡Jahua pacha Diosta servic Sadrac, Misac, Abed-nego, chaimanta llucshishpa shamuichic!— nirca. Shina nicpimi, Sadracpish, Misacpish, Abed-negopish chai nina chaupimanta llucshirca.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.