SALMOS 61:4 - Dios Rimashcata Quillcashcami

⁴ Huiñai huiñaitami canhuan tupana huasipi causasha, cambac alas ucupimi miticusha. Chaipica imata mana manchashachu.

SALMOS 61:4 ပူးပေါင်းရင်းမြစ်များ

SALMOS 15:1

Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

SALMOS 23:6

Mandac Dioslla, tucui ñuca causaipimi llaquishpa, cuyashpa charingui. Ñucaca huiñaitami cambac huasipi causasha.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 61:7

Pai cambac ñaupapi huiñaita mandachunca can cuyac cashcahuan, cashcata ruhuac cashcahuan cuidaiyari.

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

SALMOS 63:7

Canmi ñucata ayudac cangui. Cambac rigra ucupi cashpami cushicushpa cantasha.

SALMOS 90:1

Jatun Dioslla, tucui huahua huahuacunapac miticunami cangui.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.