SALMOS 6:4 - Dios Rimashcata Quillcashcami

⁴ Mandac Dioslla, ñuca almata quishpichingapac cutimuiyari. Can cuyac cashcamanta ñucata quishpichiyari.

SALMOS 6:4 ပူးပေါင်းရင်းမြစ်များ

SALMOS 116:4

Chaimantami Mandac Diostaca: «¡Mandac Dioslla, ñucata quishpichiyari!» nishpa mañarcani.

SALMOS 116:8

Mandac Dioslla, canmi ñuca causaitaca huañuimanta quishpichircangui. Ñuca ñahuimantaca huiquita picharcangui. Ñuca chaqui lluchcarinamantapish jarcarcangui.

SALMOS 120:2

Mandac Dioslla, llulla shimicunamanta, quichungaraicu llullaccunamanta ñuca almataca quishpichinguiyari.

SALMOS 121:7

Mandac Diosmi tucui mana allimanta cuidanga. Cambac causaitapish paimi huacaichinga.

SALMOS 13:2

¿Maicamantac ñuca shungupi llaquiricushayari? ¿Ima horascamantac ñuca yuyaipica punzhanta chai yuyailla cashayari? ¿Maicamantac ñucata piñacca jatun tucushpa ñucata ricungayari?

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

SALMOS 22:20

Espadahuan huañuchinamanta quishpichiyari. Ñucapac causaitaca chai allcucunapac quirumanta quishpichiyari.

SALMOS 25:7

Huambrarac cashpa juchata ruhuashcacunatapish, canta cariyashcatapish ama yuyarichu. Mandac Dioslla, can llaquic cuyac, cuyac cashcamanta ñucata yuyariyari.

SALMOS 69:13

Shina cacpipish Mandac Dioslla, can ñucata llaquina punzhapimi mañacuni. Dioslla, can yallita llaquic cashcamanta, ñuca mañashcata cutichiyari. Can cashcata nic cashcamanta quishpichiyari.

SALMOS 74:10

Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

SALMOS 80:14

Tucuita Mandac Dioslla, cunanllatac cutimuiyari. Cai uvas chagra ima shina cashcataca jahua pachamanta ricushpa llaquiyari.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

SALMOS 90:13

¡Mandac Dioslla, cutimuiyari! ¿Ima horascamantac cutimugringui? Canta serviccunata llaquiyari.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

DANIEL 9:18

Mandac Dioslla, cambac ringrihuan ñuca mañashcata uyaiyari. Cambac ñahuihuan ñucanchic causanatapish, cambac shutita mañana pueblotapish ricuiyari. Ñucanchicca mana cashcata ruhuac cashcamantachu, chashna cutinpish, cutinpish mañacunchic, ashtahuanpish can yallita llaquic cashcamantami chashna mañacunchic.

MALAQUÍAS 3:7

Cancunapac ñaupa taitacuna causacui punzhamanta pachami ñuca mandashcacunata saquishpa, mana cazurcanguichic. ¡Ñucapacman cutirichic! Chashna cutiricpica, ñucapish cancunapacman cutirishami nicpipish, cancunaca: “¿Imapactac cambacman cutirishun?” nircanguichic.

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!