SALMOS 6:2 - Dios Rimashcata Quillcashcami

² Mandac Dioslla, fuerza illacmi cani. Chaimanta ñucata llaquiyari. Mandac Dioslla, ñuca tullucunapish nanaihuanmi chucchucun, chaimanta ñucata allichiyari.

SALMOS 6:2 ပူးပေါင်းရင်းမြစ်များ

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

JOB 19:21

¡Ñuca ricsishcacunalla ñucata cuyaichicyari! ¡Ñucata cuyaichicyari! Diospac maquimi ñucapi tuparishca.

JOB 5:18

Pai chugrichishpapish paillatacmi jambin. Pai nanachishpapish paillatacmi allichin.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

SALMOS 30:2

Mandac Dioslla, ñuca caparishpa canta mañacpica, huañugricucpipish alliyachircanguimi.

SALMOS 31:10

Ñuca causaica nanaihuanmi tucuricun. Shungupi llaquiricushpami huatacunatapish tucuchicuni. Ñuca juchacunamantami irquiyashpa tullucaman tucuricuni.

SALMOS 32:3

Ñuca juchacunata Diosman mana huillashpa yallita llaquiricpica, punzhantami ñuca tullucunaca maucayashpa catirca.

SALMOS 38:2

Chaica cambac flechacunaca ñucapimi urmarca. Cambac maquipish ñuca jahuapimi ñiticun.

SALMOS 38:3

Can nina japiric shina piñarishcamantami ñuca cuerpoca tucui ungushca can. Ñuca juchamantami ñuca tullucunapish ungushca can.

SALMOS 38:7

Ñuca lomoca ruparicunmi. Ñuca cuerpoca shuc partepish mana allichu.

SALMOS 51:8

Yallita cushi canata huillaiyari. Chaipica can llaquichishca tullucunapish cushicungami.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

JEREMÍAS 10:24

Mandac Dioslla, cashcata ruhuashpa llaquichiyari. Ashtahuanpish mana tucui chingachingapacca, ama yallita piñarishpa llaquichinguichu.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.