SALMOS 57:1 - Dios Rimashcata Quillcashcami

¹ Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 57:1 ပူးပေါင်းရင်းမြစ်များ

SALMOS 125:1

Mandac Diospi shunguta churaccunaca Sión urcu shinami huiñaita maita mana cuyuchipac causancuna.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 142:1

Mandac Diostaca caparishpami mañasha. Ñucata llaquichunmi Mandac Diostaca caparishpa mañasha.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

SALMOS 36:7

¡Mandac Dioslla, cambac cuyaica mai sumacmari! Chaimantami huañuclla aichayuc runacunaca cambac alas ucupi miticuncuna.

SALMOS 56:1

Ñuca Dioslla, ñucata llaquichingapac caticuncunami. Chaimanta ñucataca llaquiyari. Punzhantami llaquichincuna.

SALMOS 58:1

Tandanacushca mandaccunalla, ¿cancunapac shimihuanca cashcatatacchu rimanguichic? Huañuclla runacunata ima llaqui japicpica, ¿cashcata ruhuashpachu allichinguichic?

SALMOS 59:1

Ñuca Dioslla, ñucata piñaccunapac maquimanta quishpichiyari. Ñucata llaquichingapac jatariccunamanta huacaichiyari.

SALMOS 61:4

Huiñai huiñaitami canhuan tupana huasipi causasha, cambac alas ucupimi miticusha. Chaipica imata mana manchashachu.

SALMOS 63:7

Canmi ñucata ayudac cangui. Cambac rigra ucupi cashpami cushicushpa cantasha.

SALMOS 75:1

¡Dioslla, pagui ninchicmi! ¡Cutin cutinmi pagui ninchic! Cambac shutica ñuca cuchupimi. Tucuimi can imata ruhuashcacunataca huillancuna.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

SALMOS 91:9

Jahua pachapi causac ñuca miticuna Mandac Diostami cambac huasita ruhuashcangui.

ISAÍAS 10:25

Ashtahuanpish asha punzha quipaca ñuca yallita piñarishcataca pasachishami. Chai quipaca nina japiric shina piñarishpami paicunata tucuchisha» nirca.

ISAÍAS 26:20

Ñuca llactapi causaccunalla, ucucunaman yaicushpa pungucunata huichcarichic. Dios piñarishca pasaringacaman ashata miticuichic.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

SAN LUCAS 13:34

¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

SAN JUAN 16:20

Cancuna llaquilla cacpipish, huacailla cacpipish, cai pachapac causaccunaca cushicungami. Shina cacpipish, cancunapac llaquica cushicuimi tucunga.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.

1 SAMUEL 22:1

David chaimanta rishpaca Adulam jatun jutcupimi miticungapac rirca. Chaipi cacta yachashpami paipac huauquicunapish, paipac taitapac huasi familiapish paipacman rirca.

1 SAMUEL 24:3

Shina ricushpami, oveja corral ladoman chayarca. Chai ladopimi shuc jatun machai tiyarca. Chai machaimanmi Saulca allichiringapac yaicurca. Chai machaillapitacmi ashtahuan ucuman Davidpish, paipac runacunapish miticushpa tiyacurca.

1 SAMUEL 24:4

Chaipimi Davidpac runacunaca: —Cunan punzhami Mandac Dios: “Canta piñaccunataca cambac maquipimi churasha. Paitaca can imata munashcata ruhuangui” nishcaca pactashca— nirca. Shina nicpimi, Davidca jatarishpa Saulpac jahualla churanata upalla ashata pitirca.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.