SALMOS 53:5 - Dios Rimashcata Quillcashcami

⁵ Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

SALMOS 53:5 ပူးပေါင်းရင်းမြစ်များ

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

SALMOS 14:5

Paicunaca cashcata ruhuaccunata Mandac Dios cuidacta ricushpami, manchaihuan chucchuncuna.

SALMOS 141:7

Yapushpa allpata ñutuchic shinami ñucanchic tullucunataca Seolman shitashca.

SALMOS 2:4

Jahua pachapi causac Mandac Diosca asingami, paicunataca burlatami ruhuanga.

SALMOS 35:26

Ñuca llaquihuan cacpi, cushicuccunaca pingaichishca, muspachishca cachun. Ñucata piñashpa jatun tucuccunaca pinganayaipac churanata churarishca shina musparichun.

SALMOS 35:4

Ñucata huañuchisha niccunaca burlashpa pingaichishca cachun. Ñucata llaquichingapac yuyarinacuccunaca pingaichishpa huashaiman callpachishca cachun.

SALMOS 40:14

Ñucata ima shinapish huañuchishun nishpa puriccunaca pingaichishca, mana valichishca cachun.

SALMOS 73:20

Sueñuimanta riccharic shinami Jatun Dios jatarishpa paicuna ima shina cashcata yangapi churanga.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

JEREMÍAS 49:15

Cancunataca tucui llactacunamanta yalli uchillatami ruhuagrini. Tucui gentecunami cancunataca mana valichinga.

JEREMÍAS 6:30

Mandac Dios mana ricusha nishpa, shitashcamantami “caica shitashca cullqui” nincuna» nirca.

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

EZEQUIEL 6:5

Israelcuna huañushca cuerpocunataca ruhuashcalla dioscunapac ñaupapi churashpami, tullucunataca cancunapac altar muyundipi shic-huasha.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.