SALMOS 53:2 - Dios Rimashcata Quillcashcami

² Diosca huañuclla gentecunapurapi shucllapish alli yuyaiyuc, Diosta mashcac tiyangami nishpami, jahua pachamanta tucuita ricurca.

SALMOS 53:2 ပူးပေါင်းရင်းမြစ်များ

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 19:3

Shina cacpipish, Asera huarmi diosta yuyarina yuracunata anchuchishpa cambac tucui shunguhuan Mandac Diosta mashcashcamantami can alli cashcata ricushca— nirca.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

SALMOS 102:19

Mandac Diosca jahuapi cac paipac huasimantami ricurca. Jahua pachamantami cai pachataca ricurca.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

SALMOS 27:8

Ñuca shunguca: «Paipac ñahuita mashcai» ninmi. ¡Chaimantami Mandac Dioslla, canta mashcani!

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

JEREMÍAS 16:17

Ñucaca paicuna imata ruhuashcacunataca tucuitami ricucuni. Paicuna ruhuashcaca imapish ñuca ñahuimantaca mana pacallachu.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

DEUTERONOMIO 4:6

Cai mandashcacunata cazunguichic. Chashna cazushpa causashpami cancunaca alli yuyaiyuccuna, alli yachaccuna canguichic. Chashna cacpimi, cai pachapi causaccunaca: “¡Cai gentecunaca alli yachac, alli yuyaiyuccunami!” ninga.