SALMOS 52:3 - Dios Rimashcata Quillcashcami

³ Allita ruhuanapac randica mana allitaracmi cuyac shina ruhuashcangui. Cashcata ninapac randica llullanatami ashtahuan munangui.

SALMOS 52:3 ပူးပေါင်းရင်းမြစ်များ

SALMOS 62:4

Jatun tiyarinamanta anchuchinallatami yuyaricunguichic. Llullashpallami cushicunguichic. Shimihuan allimi cangui nicushpapish, shungupica llaqui tucuchunmi munacunguichic.

PROVERBIOS 21:10

Diosta mana manchac runapac shungupica pitapish llaqui japichunmi munan. Pitapish mana cuyanchu.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

JEREMÍAS 9:8

Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

MIQUEAS 3:2

Ashtahuanpish cancunaca allita ruhuanata piñashpami, mana allita ruhuanata munanguichic. Tullumantaca caratapish, aichatapish anchuchishpami saquinguichic.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

ROMANOS 1:25

Paicunaca cashcata nic huillashcata saquishpami, llulla huillashcata catincuna. Diosta cungurishpa, alli ninapac randica, pai ruhuashcacunatami cungurishpa adorancuna. Diosllami huiñaita alli nishca cana can. Chashna cachun.

2 TIMOTEO 3:4

mana confiarinacuna, mana pingaccuna, allimi canchic niccuna, Diosta cazunapac randica millaita ruhuashpa cushicuccuna,

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.