SALMOS 52:1 - Dios Rimashcata Quillcashcami

¹ Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

SALMOS 52:1 ပူးပေါင်းရင်းမြစ်များ

SALMOS 103:17

Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.

SALMOS 107:1

¡Mandac Diosca ñucanchic-huanca allimi! ¡Ñucanchicta huiñaita cuyanmari! ¡Chaimanta paitaca alabaichicyari!

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

1 SAMUEL 21:7

Chai punzhallatacmi Saulta servicpuramanta shuc runa Mandac Diospac huasipi saquirishca carca. Paica Saulpac ovejacunata michiccunata mandac Edom llactamanta Doegmi carca.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

SALMOS 7:14

Diosta mana manchacta ricui. Paicunaca millaicunata huicsayuc tucushpami, llullata huacharca.

2 TIMOTEO 3:2

Chaipica quiquinlla alli canata, cullquita yallimana charinata munaccuna, jatun tucushcacuna, Diosta mana alli nishpa rimaccuna, taita mamata mana cazuccuna, mana pagui niccuna, rumi shungucuna,

PROVERBIOS 6:18

shungupi millaillata ruhuanata yuyacta, mana allita ruhuangapac callpacta,

ÉXODO 22:9

Maijanpish chingarishca huagrata, burrota, ovejata, churanata, mana cashpaca imapish chingarishcata: “Caica ñucapacmi” nicpi, cutin caishucpish: “Ñucapacmi” nicpica, ishcaitami juezpacman nina can. Juez maijantami juchanchin, chaimi cada shucmanta ishcaita cutichina can.

ROMANOS 1:30

Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

JEREMÍAS 9:8

Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

SALMOS 59:7

Paicunaca: «Ñucanchictaca pi mana uyangachu» nincunami. Chai shimicunaca espada shinami.

SALMOS 54:3

Mana ricsishcacunami ñucataca llaquichingapac jatarishca. Jatun llaquita ruhuaccunami ñucata huañuchingapac mashcacuncuna. Can Diostaca imalaya mana yuyarincunachu.

SALMOS 10:7

Paipac shimica mana alli ninallata, llullanata, llaquichinallatacmi riman. Paipac shimipica millaillata rimashpa llaquichic shimicunami pacashca shina tiyacun.

JEREMÍAS 41:4

Gedaliasta huañuchishca quipa punzhapi, paita huañuchishcata pipish manarac yachacpimi,