SALMOS 51:8 - Dios Rimashcata Quillcashcami

⁸ Yallita cushi canata huillaiyari. Chaipica can llaquichishca tullucunapish cushicungami.

SALMOS 51:8 ပူးပေါင်းရင်းမြစ်များ

1 CRÓNICAS 29:17

Ñuca Dioslla, ñucanchic shungu imalaya cashcata yachashpami cashcata ruhuaccunataca alli ningui. Chaimantami tucui shunguhuan, tucui munaihuan tucui caicunataca curcani. Cunanca caipi tandanacushca can acllashcacunapish, cushicuihuan canman cuctami ricuni.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 38:3

Can nina japiric shina piñarishcamantami ñuca cuerpoca tucui ungushca can. Ñuca juchamantami ñuca tullucunapish ungushca can.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

SAN MATEO 5:4

Shungupi llaquilla caccuna, ¡cushicuichic! Diosmi cancunataca cushichinga.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.