SALMOS 51:3 - Dios Rimashcata Quillcashcami

³ Canta mana cazushcataca shungumantami llaquirini. Chai juchata ruhuashcaca yuyachicunllami.

SALMOS 51:3 ပူးပေါင်းရင်းမြစ်များ

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

SALMOS 38:18

Chaimantami cunanca ñuca juchacunata canman huillasha. Mana allita ruhuashcamantaca yallitami llaquirisha.

SALMOS 40:12

Ñucataca mana yupaipac llaquicunami chaupinchishca. Millaita ruhuashcamantami cashna llaqui tucuni. Huichai ricunallatapish mana pudinichu. Llaquicunaca ñuca uma acchatapish yalli achcamari. Ñuca shungupish ña huañucunmi.

SALMOS 41:5

Ñucata piñaccunaca: «Cai runaca, ¿ima horastac huañushpa, chingaringayari?» nincunami.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

ISAÍAS 59:12

Ñucanchicca cambac ñaupapi yallitami mana cazushcanchic. Ñucanchicpac juchacunallatacmi ñucanchic mana alli cashcata ricuchin. Ñucanchicca millaita ruhuanataca mana saquishcanchicchu. Chaitaca yachanchicmi.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.