SALMOS 51:12 - Dios Rimashcata Quillcashcami

¹² Can ñucata quishpichishcamanta cushicuitaca cutinllatac cuiyari. Cazuna yuyaita cuc Espirituta pushachun cuiyari.

SALMOS 51:12 ပူးပေါင်းရင်းမြစ်များ

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

2 CORINTIOS 3:17

“Mandac Dios” nishpaca, paipac Espiritutami ninchic. Maijanpish Mandac Diospac Espirituhuan cashpaca, huatashcamanta cacharirishcami can.

SAN LUCAS 1:47

Ñuca almapish ñucata Quishpichic Diosmantami cushicun.

SALMOS 35:9

Chashna cacpimi, ñucaca Mandac Dios-huan cushicusha. Pai quishpichishcamantami ñucaca yallita cushicusha.

SALMOS 119:133

Can yachachishca shina ñucataca pushaiyari. Imapish juchacuna ñucata mishachunca ama saquichu.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

JEREMÍAS 10:23

Mandac Dioslla, causaica mana runapacchu. Pipish quiquin causaitaca mana mandai pudinchu. Chaitaca yachanimi.

ROMANOS 14:4

Shucpac serviccunata juchanchingapacca, ¿pitac canca cangui? Amomi servic alli cashcata, mana alli cashcata ninga. Poderyuc Apunchic Jesusmi imatapish allita ruhuachun sinchiyachinga.

SALMOS 21:1

¡Mandac Dioslla, jatun mandacca can fuerzata cushcamantami cushicun! ¡Macanacuita mishachishcamantami yallita cushicun!

SALMOS 19:13

Shinallatac canta servic ñucataca jatun tucuna yuyaimanta cuidangui. Chai yuyai shamushpa, ñucata mishachunca ama saquinguichu. Chashna cuidacpimi, ima pandata mana ruhuasha. Shinallatac canta mana cazushpa mana juchallisha.

SALMOS 17:5

Ñuca chaqui ama lluchcarichunmi cambac ñanllata catircani.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

SALMOS 24:4

Chuya maquicuna shungupi ima mapa illaccuna, ruhuashcalla dioscunata mana adoraccuna, ari nishcata pactachiccunami chaimanca yaicunga.