SALMOS 5:8 - Dios Rimashcata Quillcashcami

⁸ Mandac Dioslla, ñucata piñaccuna llaquichigricucpica, cashcata ruhuachishpa pushaiyari. Cambac alli ñanta pushaiyari.

SALMOS 5:8 ပူးပေါင်းရင်းမြစ်များ

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

SALMOS 119:10

Tucui ñuca shunguhuanmi cantaca mashcarcani. Can mandashcacunamanta anchurichunca amatac saquinguichu.

SALMOS 119:64

Mandac Dioslla, tucui cai pachapi causaccunatami llaquingui. Can mandashcacunataca yachachiyari.

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 31:1

Mandac Dioslla, canllapimi shunguta churani. Ñuca pingaichishca cachunca amatac saquinguichu. Canca cashcata ruhuacmi cangui. Chaimanta ñucata quishpichiyari.

SALMOS 54:5

Paillatacmi ñucata piñaccunamanca mana allita cutichinga. ¡Cashcata nic cashcamanta tucuchiyari!

SALMOS 59:10

Ñucata llaquic Dioslla, ñucata piñaccunata ñuca yuyashca shinata ruhuashpa ricuchingapacmi ñaupashpa ringui.

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

PROVERBIOS 4:25

Mai ñanta ricushcata cambac ñahuihuan alli ricungui. Cambac ñahuihuanca ñaupata alli chapangui.

JONÁS 2:5

Yacuca ñucataca cungacamanmi pillurca. Jatun yacupimi muyundita pillurca. Yacu quihuacunami ñuca umapi pillurirca.

SAN MATEO 3:3

Juanmanta Dios ima nishcata huillac Isaías huillashpaca: «Shitashca pambapi shuc runa caparishpaca: “Quishpichic shamuna ñanta allichichic, quingu ñancunatapish derechaichic” nicunmi» nirca.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.