SALMOS 5:4 - Dios Rimashcata Quillcashcami

⁴ Canca millaita ruhuaccunahuan cushicuc Diosca mana canguichu. Millaicunaca cambac ladopica mana causangachu.

SALMOS 5:4 ပူးပေါင်းရင်းမြစ်များ

1 CRÓNICAS 29:17

Ñuca Dioslla, ñucanchic shungu imalaya cashcata yachashpami cashcata ruhuaccunataca alli ningui. Chaimantami tucui shunguhuan, tucui munaihuan tucui caicunataca curcani. Cunanca caipi tandanacushca can acllashcacunapish, cushicuihuan canman cuctami ricuni.

SALMOS 101:7

Ñuca mandana huasipica umac millai shungu runaca mana causangachu. Llullata rimac runaca ñuca ñaupapica mana causangachu.

SALMOS 11:5

Mandac Diosca cashcata ruhuac runatapish, millaita ruhuac runatapish ricucunmi. Millaita ruhuanata munaccunataca tucui shunguhuanmi piñan.

SALMOS 140:13

Cashcata ruhuaccunami cantaca pagui ningacuna. Allita ruhuaccunallami cambac ñaupapica causangacuna.

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

SALMOS 63:2

Cambaclla huasipi ricushca shinallatacmi, cambac yachaitapish, cambac cushicuitapish ricusha nini.

SALMOS 88:14

Mandac Dioslla, ¿imamantatac piñanguiyari? ¿Imamantatac cambac ñahuita ñucamanta pacanguiyari?

SALMOS 92:15

Chaica: «Ñucanchicta huacaichic Diosca cashcata ruhuacmi, jucha illacmi» nishpa huillangapacmi chashna canga.

SALMOS 94:20

¿Millaita ruhuangapac tandanacushpa yuyarinacuc millai jatun mandaccunahuan tandanacunguichu?

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

MALAQUÍAS 2:17

Mandac Diosta rimacushpalla shaicuchishpaca: «¿Imata nishpatac shaicuchishcanchic?» ninguichicmi. Shinallatac: «Maijan cashpapish mana allita ruhuashpami, Mandac Diostaca cushichinchic, chaitami paica chasquin» ninguichic. Mana cashpaca: «¿Maipitac cashcata ruhuac Mandac Diosca?» nishpami shaicuchinguichic.

SAN JUAN 14:23

Shina nicpimi Jesusca: —Maijanpish ñucata cuyacca, ñuca rimashcacunatami cazun. Paitaca ñuca Taitapish cuyanmi. Chaimantami paihuan causangapac shamushun.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.