SALMOS 5:12 - Dios Rimashcata Quillcashcami

¹² Can Mandac Diosllami cashcata ruhuaccunamanca bendiciangui. Cambac cuyaihuanmi escudohuan muyundita jarcac shina cuidangui.

SALMOS 5:12 ပူးပေါင်းရင်းမြစ်များ

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.

SALMOS 118:15

Cashcata ruhuaccunapac carpa huasipica cushicuihuan cantashcapish, quishpichishcamanta rimashcapish uyarinmi. Mandac Diospac alli maquimi yallita mishacun.

SALMOS 119:132

Ñucapacman tigramuiyari. Cambac shutita cuyaccunata shinallatac ñucataca llaquiyari.

SALMOS 29:11

Mandac Diosca, pai acllashcacunamanca fuerzata cungami. Paicunamanca sumac causaita cushpami bendicianga.

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!

SALMOS 32:10

Diosta mana manchactaca jatun nanaicunami japinga. Ashtahuanpish Mandac Diosta shuyactaca paipac cuyaihuanmi pilluchic shina huacaichinga.

SALMOS 32:7

Canmi ñuca jarcarina cangui. Llaquicunamanta cuidashpa, quishpirishcata huillac cantocunahuan, ñucata muyunguiyari.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.