SALMOS 47:4 - Dios Rimashcata Quillcashcami

⁴ Paimi, pai cuyashca Jacobopac sumac llactata ñucanchicman acllashpa curca

SALMOS 47:4 ပူးပေါင်းရင်းမြစ်များ

SALMOS 136:22

Paita servic israelcunaman chai allpacunata cuc Diosta alabaichicyari. ¡Paica huiñaita llaquicmi!

SALMOS 16:3

Cai pachapi cambac caccunahuan, ima pandata mana ruhuaccunahuanmi yallita cushicuni» nircami.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

EZEQUIEL 20:6

Egipto llactamanta llucchishpa, lechepish, mishquipish tiyac llactamanmi pushasha. Chai llactaca tucui llactamanta yalli sumac llactami.

OSEAS 14:4

Mandac Diosca: «Paicuna mana cazushpa, mana allita ruhuashcataca allichishpami yallitami cuyasha. Ñucaca ña mana ashtahuan paicunahuan piñarishachu.

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

AMÓS 8:7

Jacobo alli nina Mandac Dios paipac shutipi ari nishpaca: «¡Chai tucui mana allita ruhuashcataca jaicapi mana cungarishachu!» ninmi.

NAHÚM 2:2

Mandac Diosmi alli nishca Jacobopac huahuacunatapish, alli nishca israelcunatapish cutin allichinga. Ima charishcacunata shuhuashca cacpipish, ramacuna illac uvas yura shina cacpipish, cutinmi allichinga.

MALAQUÍAS 1:2

Mandac Dios israelcunataca: «Ñucaca cancunata cuyarcanimi. Chashna cuyacpipish cancunaca: “¿Ima shinatac ñucanchictaca cuyarcangui?” nircanguichicmi. ¿Manachu Esauca Jacobopac huauqui carca? Chashna cacpipish, Jacobollatami cuyarcani. Chaitaca Mandac Dios ñucami nini.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

DEUTERONOMIO 11:12

Chai llactataca Mandac Diosmi cuidacun. Mandac Diosca huata callarimanta, huata tucuringacamanmi cuidacunlla.

DEUTERONOMIO 33:3

Pai acllashcacunataca cuyacunmi. Paipaclla cachun chicanyachishcacunataca cuidacunmi. Paicunaca can munashca shinami mandashcacunatapish cazurca.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.