SALMOS 47:3 - Dios Rimashcata Quillcashcami

³ Paimi llactapi causaccunata ñucanchic mandachun churashpa, paicunataca ñucanchic chaqui ucupi churanga.

SALMOS 47:3 ပူးပေါင်းရင်းမြစ်များ

SALMOS 110:1

Mandac Diosmi ñucata Mandactaca: «Canta piñaccunata cambac chaqui sarunapi churangacaman ñuca ladopi tiyari» nirca.

SALMOS 18:47

Paica ñucata llaquichiccunata llaquichic Diosmi. Shuctac gentecunata ñuca chaqui ucupi churacmi.

SALMOS 66:5

Dios imalla ruhuashcacunata ricungapac shamuichic. Tucui ñucanchicpac alli ruhuashcata ricungapac shamuichic.

SALMOS 81:14

paicunata piñaccunataca utcashpami llaquichiman carcani! Paicunata mana ricunayachiccunataca ñuca maquihuanmi tucuchiman carcani» nishca uyarirca.

SALMOS 95:3

Mandac Diosca jatun Diosmi. Tucui dioscunamanta ashtahuan jatun Mandac Diosmi.

SALMOS 99:2

Mandac Diosca Sionpica jatunmi. Tucui gentecunata yalli jatunmari.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

1 CORINTIOS 15:25

Cristoca paita piñaccunata paipac chaqui sarunapi Dios churangacamanmi, paillatac mandana can.

DEUTERONOMIO 33:29

¡Israelcunalla, cushicuichicyari! ¿Cancuna shina, Mandac Dios quishpichishca gentecunaca pi shuctac tiyangachu? ¿Pitac canta escudo shina pacacca tiyangayari? Cancunata piñaccunataca paipac espadahuanmi cumurichinga. Shinami cancunaca, cancunata piñaccunapac cungapi sarunguichic» nirca.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.