SALMOS 45:3 - Dios Rimashcata Quillcashcami

³ Yalli sinchi runalla, cambac espadata cinturapi huarcuchiyari. Cambac sumac cashcahuanpish, mandana poderhuanpish chumbilliriyari.

SALMOS 45:3 ပူးပေါင်းရင်းမြစ်များ

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

SALMOS 104:1

¡Ñuca almalla, Mandac Diosta alli niyari! ¡Ñucata Mandac Dioslla, canca yallita jatun Diosmi cangui! Canca achic nicuc-huan, sumaimanahuan churarishca shinami cangui.

SALMOS 145:12

Jatun mancharinacunata can ruhuashcataca, huañuclla gentecunaman ricsichichuncuna. Can mandacuc llactapish sumaimana achic nicuc cashcata huillachuncuna.

SALMOS 145:5

Achic nicuc sumaimana jatun Dios can sumaimana ruhuashcacunata huillacpica, chai sumaimanacunatami yuyaricushalla.

SALMOS 21:5

Can mishachishpami paitaca jatunyachircangui. Tucuipac alli nishca cachunmi ruhuarcanguimi.

SALMOS 21:7

Chaimantami jatun mandacca Mandac Diospi shunguta churan. Jahua pacha Dios llaquishcamantami mana cuyuchishca canga.

SALMOS 96:6

Sumaimana achic nicucmi cambac ñaupapica tiyan. Cambac huasipica sumac podermi tiyan.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

CANTARES 5:13

Paipac ñahuicunapish huertapi tiyac yuracuna shinami mishquillata ashnacun. Paipac shimica lirio sisamanta mishquilla ashnacuc mirra llucshicuc shinami mishquilla ashnacun.

ISAÍAS 49:2

Ñuca rimashcataca filosapa espadata shinami ruhuarca. Paipac maquihuanmi ñucataca llandurca. Ñucataca puntasapa flechata shina ruhuashpami, flechata huacaichinapi huacaichirca.

HECHOS 10:36

Diosca Jesucristotami israelcunaman paihuan alli tucushpa, sumacta causachun, alli huillaita huillachirca. Paica tucuita mandac Jesucristomi.

ROMANOS 14:9

Chaipacmi Apunchic Jesusca huañurca, shinallatac causarirca. Chashnami tucuipac Mandac cangapac causarirca.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

HEBREOS 8:1

Ñucanchic nicushcamanta ashtahuan yallica, jatun mandac curatami charinchic. Paica jahua pacha Dios mandacucpimi alli maquiman tiyacun.

SAN JUDAS 1:25

¡Paitaca sarunpish, cunanpish, huiñaipacpish sumaimana jatun cashcamanta, imatapish ruhuaipac mandac cashcamanta, ñucanchic Apunchic Jesucristomanta alli nishunchicyari! Chashna cachun.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui poderta charic Diosca munai piñarishcamantami, uvasta chaquihuan sarushpa llapishpa, vinota ubiachic shina llaquichinga.

APOCALIPSIS 19:21

Shuccunataca caballopi montashca tiyacucpac shimimanta llucshicuc espadahuanmi huañuchishca carca. Paicunapac aichataca jahuata volashpa puric tucuilaya alasyuc animalcunami sacsacta micurca.

JUECES 3:16

Aodca chaupi metro ishcai filoyuc espadatami ruhuashca carca. Chai espadatami paipac churana ucuta alli lado cinturapi huarcuchishpa rirca.