11 Ñucata piñaccuna cushicuchunca amatac saquinguichu. Chashna ruhuacpimi, ñuca canhuan alli causacushcata yachasha.
Mandac Diosca alli nishca cachun. Paicuna quirucunahuan ñucanchicta pitinacushpa tucuchichunca mana saquircachu.
Ñucata piñacca: «¡Mishanimi!» ningami. Ñucata piñaccunaca ñuca urmacpica cushicungami.
Mandac Diosca paita manchaccunahuan shinallatac pai llaquichun shuyaccunahuanmi cushicun.
¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.
Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.
Paicunapac shungupipish: «¡Aij, ñucanchicca chashna cachunmi munarcanchic!» nishpa: «Paitaca tucuchishcanchictacmi» nichunca ama saquichu.
Mandac Dioslla, ñucata mana ricunayachiccuna ricushpa pingachun ñucata cuyacushcata ricuchiyari. Can Mandac Diosmi ñucata ayudashpa cushichircangui.
Mandac Diosta cantaichicyari. Mandac Diosta alli nichicyari. Paimi huaccha runapac almataca mana allita ruhuac runapac maquimanta quishpichin.
Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.