SALMOS 40:2 - Dios Rimashcata Quillcashcami

² Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

SALMOS 40:2 ပူးပေါင်းရင်းမြစ်များ

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 119:133

Can yachachishca shina ñucataca pushaiyari. Imapish juchacuna ñucata mishachunca ama saquichu.

SALMOS 143:3

Ñucata piñaccunaca catirashpami llaquichicun. Ñuca causaitaca allpapi shitashpami, ña huañushcata shina, amsapi causachun churashca.

SALMOS 17:5

Ñuca chaqui ama lluchcarichunmi cambac ñanllata catircani.

SALMOS 18:36

Ñuca chaquicuna ama lluchcarichunmi ñuca purina ñantapish allichingui.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

SALMOS 27:5

Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 37:23

Mandac Diosmi runa ima shina causanataca ricuchicun. Allita ruhuac runataca alli ningami.

SALMOS 61:2

Ñuca shungu huañugricucpica, allpa tucurimantami canta caparisha. Ñucataca yalli jatun rumi jahuaman pushaiyari.

SALMOS 69:2

Maipi mana shayari pudipac turupimi ucuyashcani. Ñuca chaquihuanpish sinchi allpapi mana tupanichu. Jatun yacuca ucumanmi aisacun.

SALMOS 71:20

Achca llaquicunata, nanaicunatami ricuchircangui. Shina cashpapish canllatacmi cutin causaita cushpa enterrashcamantapish llucchingui.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

ISAÍAS 24:22

Paicunaca jutcupi prezucunata montonashca shinami canga. Carcelpi unaita prezushca quipami paicunataca yallita llaquichinga.

ZACARÍAS 9:11

Yahuarta jichashpa, cancunahuan ari nishcamantami cantaca yacu jundachina jutcupi prezu cacpi, chaimanta llucchisha.

SAN MATEO 13:50

jatun ninapi shitanga. Chaipimi huacaihuan quiru caniringa— nirca.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.