SALMOS 40:12 - Dios Rimashcata Quillcashcami

¹² Ñucataca mana yupaipac llaquicunami chaupinchishca. Millaita ruhuashcamantami cashna llaqui tucuni. Huichai ricunallatapish mana pudinichu. Llaquicunaca ñuca uma acchatapish yalli achcamari. Ñuca shungupish ña huañucunmi.

SALMOS 40:12 ပူးပေါင်းရင်းမြစ်များ

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

SALMOS 73:26

Ñuca cuerpopish, ñuca shungupish huañunallami. Shina cacpipish jatun rumi shina Diosmi ñuca shunguman fuerzata cun. Diosca huiñaitami imatapish allita cun.

SALMOS 69:4

Ñucata yanga piñaccunaca ñuca acchatapish yallimi mirashca. Ñucata yanga llaquichiccunaca ashtahuanmi sinchiyashcacuna. ¡Manapish shuhuashca cashpami paimanca cutichishcani!

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 19:12

¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

GÉNESIS 42:28

Shina tarishpami, paipac huauquicunataca: —¡Riquichic, ñuca cullquitaca cutichishcami! ¡Riquichic, ñuca tulupimi cashca!— nirca. Shina nicpica, tucui paicunami shungu chucchushpa, yallita mancharishpa, caishuc chaishuc tapunacushpaca: —¿Imatac caica? ¿Diosca imatatac ruhuarca?— nircacuna.

SALMOS 61:8

Chashna ruhuacpica, ñuca tucui causaipimi cambac shutita salmocunahuan cantasha. Ñuca imata cusha nishcatapish punzhantami cusha.