SALMOS 4:7 - Dios Rimashcata Quillcashcami

⁷ Canca paicuna achca granota, vinota japishpa cushicushcamanta yallimi ñucataca shungupi cushichingui.

SALMOS 4:7 ပူးပေါင်းရင်းမြစ်များ

SALMOS 31:17

Mandac Dioslla, cantaca mañacunimi. Pingaichishca cachunca amatac saquinguichu. Canta mana manchaccunaca pingaichishca cachun. Seolpi upalla cachuncuna.

SALMOS 37:4

Mandac Dios-huan cushicuilla. Paica cambac shungu munashcata cungallami.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SALMOS 67:2

Chashna ruhuacpimi, cai pachapica cambac ñanta ricsishpa, can quishpichic cashcatapish tucui llactapi yachangacuna.

SALMOS 80:4

Tucuita Mandac Dioslla, ¿ima horascamantac can acllashcacuna mañashcataca piñarishpa mana uyagringuiyari?

SALMOS 92:4

Mandac Dioslla, can ruhuashcacunahuanca cushichishcanguimi. Cambac maquicunahuan ruhuashcata ricushpami yallita cushicuni.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

JEREMÍAS 48:33

Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

NÚMEROS 6:25

Mandac Dios cuyashpa cushichichun.

HECHOS 14:17

Chashna cacpipish, Diosca tamyahuan granota pucuchishpa, mana nicta carashpami cushichicun. Chashna allita ruhuashpami, pai pi cashcata ricuchin— nirca.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

JUECES 9:27

Paicunaca chai pueblopi causaccunahuanmi uvas chagraman rishpa uvasta pallashpa sarushpa capirca. Chai quipaca jatun fiestata ruhuashpami ruhuashcalla dioscunata yuyarina huasiman yaicushpa, ubiashpa, micushpa Abimelectaca imapish tucushca canman nircacuna.