SALMOS 38:6 - Dios Rimashcata Quillcashcami

⁶ Ñucaca yallita llaquirishpami aruyashpa puricuni. Yana churanata churarishca shinami punzhanta puricuni.

SALMOS 38:6 ပူးပေါင်းရင်းမြစ်များ

JOB 30:28

Manapish inti rupachicpimi yanayashcani. Tucui tandanacushcapac ñaupapimi caparishpa mañarcani.

JOB 7:5

Ñuca cuerpoca curucunahuan, asha allpahuan tapashca shinami. Ñuca aicha carapish millanayaitami ashnacun.

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

SALMOS 145:14

Mandac Diosca tucui urmashcacunatami charicun. Llaquichishcacunatapish tucuitami jatarichin.

SALMOS 31:10

Ñuca causaica nanaihuanmi tucuricun. Shungupi llaquiricushpami huatacunatapish tucuchicuni. Ñuca juchacunamantami irquiyashpa tullucaman tucuricuni.

SALMOS 35:14

Ñuca ricsishcamanta shina, ñuca huauquimanta shinami llaquirircani. Quiquin mama huañucpi shinami, duelo churanata churarishpa llaquirircani.

SALMOS 42:5

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Paita shuyailla. ¡Paica ñuca Diosmi, ñuca quishpichicmi!

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

SALMOS 43:2

Pueblo muyundita pircashca shina jarcac Diosmi cangui. ¿Ima nishpatac ñucallata saquinguiyari? ¿Ima nishpatac ñucata piñaccuna yallita llaquichicpi, llaquirishpa puricushayari?

SALMOS 57:6

Ñuca purina ñanpica tucllallatami churarcacuna. Ñuca almaca llaquihuanmi shaicushca. Ñuca ñaupapimi jatun jutcuta ruhuancuna. Chaipica paicunallatacmi urmancuna.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 88:9

Yallita llaquihuan huacacucllapitacmi ñuca ñahuipish mana ricun. Mandac Dioslla, punzhantami maquita huichai chutashpa cantaca mañani.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.