SALMOS 37:3 - Dios Rimashcata Quillcashcami

³ Mandac Diospi shunguta churashpa allita ruhuailla. Cambac llactapi allita ruhuashpa causailla.

SALMOS 37:3 ပူးပေါင်းရင်းမြစ်များ

GÉNESIS 26:2

Chaipimi Mandac Dios Isaacman ricurishpaca: —Ama Egiptomanca urai richu. Ñuca maipi causagri nishcapi causagri.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

1 REYES 19:6

Shina nicpi, Elías jatarishpa ricucpica, paipac uma ladopimi cusashca shuc tortillata, shinallatac shuc mangapi yacu tiyacucta ricurca. Chaita micushpa, ubiashpaca cutinmi sueñungapac siririrca.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

SALMOS 4:5

Cashcata ruhuashpami, animalcunata Diosman cushpa huañuchina canguichic. Diospi shunguta churaichicyari.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

PROVERBIOS 3:5

Mandac Diostaca tucui shunguhuan cringui. Cambac yachaipica ama shunguta churanguichu.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

SAN LUCAS 22:35

Jesús paicunata tapushpaca: —Ñuca cancunata mana cucayuhuan, mana cullquihuan, mana ushutahuan cachacpica, ¿ima faltarcachu?— nirca. Shina nicpimi yachacuccunaca: —Mana ima faltarcachu— nircacuna.

DEUTERONOMIO 30:20

Mandac Dios nishcata uyashpa, pai munashca shina causaichic. Ñaupa taita Abrahamman, Isaacman, Jacoboman cungapac ari nishca llactapi unaita causangapacmi chashna cazuna canguichic. Chashna cazushpami causaita charinguichic» nirca.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.