SALMOS 30:3 - Dios Rimashcata Quillcashcami

³ Mandac Dioslla, ñuca almataca Seolmantami llucchircangui. Enterrana jutcuman ama richunmi causaita curcangui.

SALMOS 30:3 ပူးပေါင်းရင်းမြစ်များ

JOB 33:28

Diosmi paitaca enterrana jutcumanta quishpichinga. Shina cacpica, achicta ricushpami paica causanga.

SALMOS 107:20

Pai rimashpami alliyachirca. Chashnami jatun llaquimanta quishpichirca.

SALMOS 116:8

Mandac Dioslla, canmi ñuca causaitaca huañuimanta quishpichircangui. Ñuca ñahuimantaca huiquita picharcangui. Ñuca chaqui lluchcarinamantapish jarcarcangui.

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

SALMOS 28:1

Mandac Dioslla, cantami caparishpa mañasha. Canca ñuca jarcarina jatun rumimi cangui. Ama ringrita pacaichu. Can ringrita pacashpa ñuca mañashcata mana uyacpica, huañushcacuna shinami casha.

SALMOS 56:13

Ñuca causaitaca huañuimantami quishpichircangui. Cambac ñaupapi purichunmi ñuca urmagricucpipish charirarcangui. Cambac ñaupapi achic punzhata ricushpa causachunmi chashna quishpichircangui.

SALMOS 71:20

Achca llaquicunata, nanaicunatami ricuchircangui. Shina cashpapish canllatacmi cutin causaita cushpa enterrashcamantapish llucchingui.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

ISAÍAS 38:16

Mandac Dioslla, chai rimashcacunahuanmi runacunaca causan. Ñuca espiritupish chaipimi causaita charin. ¡Mandac Dioslla, sinchiyachishpa, causaita cuiyari!