SALMOS 3:3 - Dios Rimashcata Quillcashcami

³ Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

SALMOS 3:3 ပူးပေါင်းရင်းမြစ်များ

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

GÉNESIS 40:13

Quimsa punzha quipami Faraonca carcelmanta llucchishpa, cutinllatac Faraonman ima ruhuanata ruhuacushcallapitac churanga. Chaipimi canca utcapi ima shina Faraonman vinota servic cashca shinallatac servingui.

2 REYES 18:30

Mandac Diosta crichunmi paica: ‘Mandac Diosca ñucanchictaca cacharichingami. Cai pueblotaca Asiria llactata jatun mandacpac maquipica mana churangachu’ ningami” nirca.

2 REYES 18:32

Ñucaca cancunapac llacta shinallatac alli granota pucuc, vinopish, tucuilaya micunapish, uvas chagracunapish, olivospish, aceitepish, bunga mishquipish tiyac llactaman pushac shamungacamanmi chashna causanguichic. Chashnami mana yarcaihuan huañunguichic. Ezequiastaca mana uyanachu canguichic. Paica llullashpami: ‘Mandac Diosca ayudangami’ nicun.

2 REYES 25:27

Judá llactata jatun mandac Joaquín quimsa chunga canchis huatata prezu causacucpimi, Evil-merodacca Babilonia llactata jatun mandac tucurca. Paimi mandai callarishca chunga ishcai quilla, ishcai chunga canchic punzhapi Joaquintaca carcelmanta llucchirca.

SALMOS 110:7

Jatun mandacca ñanpi yacuta ubiashpami cutin fuerzata japinga.

SALMOS 119:114

Canca ñuca miticuna, ñucata pacac escudomi cangui. Can nishca pactachunmi shuyacuni.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 4:3

Mandac Dios paita yuyaricta paipaclla cachun acllashcataca yachaichicyari. Ñuca paita caparishpa mañacpica uyangallami.

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 60:19

Punzhaca mana intichu cantaca achicyachinga. Tutaca mana quillachu cantaca achicyachinga. Ashtahuanpish Mandac Dios ñucami huiñai huiñaita achicyachisha. Cambac Dios ñucami cambac sumaimana achicyachic casha.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

DEUTERONOMIO 33:29

¡Israelcunalla, cushicuichicyari! ¿Cancuna shina, Mandac Dios quishpichishca gentecunaca pi shuctac tiyangachu? ¿Pitac canta escudo shina pacacca tiyangayari? Cancunata piñaccunataca paipac espadahuanmi cumurichinga. Shinami cancunaca, cancunata piñaccunapac cungapi sarunguichic» nirca.

APOCALIPSIS 21:11

Chai puebloca Diospac sumaimana achiclla cashcahuanmi jagan nicurca. Valishca jaspe rumi shina, vidrio shina jagan nicucmi carca.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.