SALMOS 27:5 - Dios Rimashcata Quillcashcami

⁵ Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 27:5 ပူးပေါင်းရင်းမြစ်များ

2 CRÓNICAS 22:12

Judá llactata Atalía mandacucpica, Joasca Mandac Diospac huasipimi sucta huatacaman paicunahuan miticushpa causarca.

SALMOS 10:1

Mandac Dioslla, ¿ima nishpatac ñuca llaqui punzhapi cacpica, miticushpa carupi canguiyari?

SALMOS 119:114

Canca ñuca miticuna, ñucata pacac escudomi cangui. Can nishca pactachunmi shuyacuni.

SALMOS 138:7

Yalli llaquicuna chaupipi puricucpipish canmi ñuca causaita cuidangui. Ñucata piñaccuna yallita piñaricpipish, cambac alli maquihuanmi misashpa quishpichingui.

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

SALMOS 18:33

Paimi ñuca chaquicunatapish taruga chaqui shina callpacta ruhuan. Jahua urcucunapipish ima manchai illactami charin.

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

SALMOS 31:21

¡Mandac Diosca alli nishca cachun! Paica muyundita jatun pircashca pueblopica ñucata llaquishpami jatun mancharinata ruhuarca.

SALMOS 40:2

Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

SALMOS 40:3

Ñuca shimipica mushuc cantotami churarcangui. Chai cantohuanmi ñuca Diosta alli nini. Chaita ricushpaca achcacunami mancharishpa, paicunapac shungutaca Mandac Diospi churanga.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 57:1

Ñuca Dioslla, ñucata llaquiyari, ñucata llaquiyari. Canpimi ñuca shunguta churani. Cai jatun llaqui pasangacaman cambac alas ucupi miticusha.

SALMOS 61:2

Ñuca shungu huañugricucpica, allpa tucurimantami canta caparisha. Ñucataca yalli jatun rumi jahuaman pushaiyari.

SALMOS 61:3

Canmi ñuca miticunaca cangui. Ñucata piñaccunapac ñaupapipish muyundita jatun pircashca shinami jarcarcangui.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

SALMOS 83:3

Can acllashcacunata llaquichingapacmi pacalla yuyarinacuncuna. Cambac maquipi causaccunata tucuchingapacmi huashalla parlanacuncuna.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

ISAÍAS 26:20

Ñuca llactapi causaccunalla, ucucunaman yaicushpa pungucunata huichcarichic. Dios piñarishca pasaringacaman ashata miticuichic.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Diosca pacashpa charicun.