SALMOS 26:9 - Dios Rimashcata Quillcashcami

⁹ Ñucataca ama juchayuccunahuan tandachishpa huañuchichu. Huañuchic runata shinaca ama causaita quichuichu.

SALMOS 26:9 ပူးပေါင်းရင်းမြစ်များ

2 SAMUEL 16:7

Simei maldiciashpaca: «¡Huañuchic millai runa caimanta llucshi!

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

SALMOS 139:19

¡Sumac Dioslla, canta mana manchac runataca huañuchiyari! ¡Chai huañuchic gentecunataca ñucamanta anchuchiyari!

SALMOS 51:14

Ñucata quishpichic Dioslla, huañuchiccunamanta huacaichiyari. Can cashcata ruhuac cashcamantami ñuca calluhuanca canta cantasha.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

SAN MATEO 24:51

Chashna shamushpami llaquichishpa, mishqui shimi jayac shungu gentecunahuan churanga. Chaipica huacaihuanmi quiru caniringa.

SAN MATEO 25:32

Chaipimi tucui llacta gentecuna ñucapac ñaupaman shamushpa tandaringa. Chashna tandaricpimi, paicunataca shuc michic ovejacunata chivocunamanta chicanyachic shina chicanyachisha.

SAN MATEO 25:44

Chashna nicpimi paicunaca: “Apunchic Jesús, ¿ima horatac can yarcaihuan cacta, yacunayaihuan cacta, samarinata mana charicta, churana illacta, ungushca cacta, carcelpi cacta, imalla illacta ricushcanchic?” ningacunami.

SAN MATEO 25:46

Paicunaca jaicapi mana tucuric, jatun llaquimanmi ringa. Ashtahuanpish cashcata ruhuaccunaca, huiñai causaimanmi ringa— nirca.

1 SAMUEL 25:29

Canta huañuchingapac maijan caticpipish, ñucata mandacpac causaitaca canta Mandac Diospac maquipimi alli causaccunahuan tandachishca. Ashtahuanpish canta piñaccunataca Paillatacmi rumi huaicuta shitac shina tucuchinga.